- 每個比賽最開心，係有一班朋友陪你笑笑說說
MSIG Sai Kung後感...
一開始就無特別期望去做時間，純粹為下兩個星期嘅Translanau50 warm up一下~
比賽開始只係keep 住郊遊mode嘅速度，因為平路自知跑得慢，諗著上山位先追返個唔塞嘅位置，點知一上山行左差不多600M，帶頭嘅就發現行錯路，結果成班人塞左，有d人繼續跑，有d人就回頭，心諗：「我應該行邊度呢....」，結果心情變得更郊遊mode！
一路jog，一路食，飲到食到剩返2粒糖，200ml水，但係仲未見到水站，心諗：「我係唔係miss左呢？」，唔敢再飲水，只係諗著好快就到...好快就到，結果終於俾我遇上CP1，原來第一個CP係安排響12K嘅位置...... 唉...只怪賽前太郊遊，冇睇地圖就上線......好彩有橙食，仲要係冰凍嘅！狂食狂食狂食！今次離開CP前睇清楚下個CP有幾遠先~ 嗯...4K...1.5hr點都到啦，裝500ml水算啦~
不過呢4K...其實係上螺頭墩，雖然唔算高，但係懶左咁耐，上山速度真係超慢，再加上烈日當空，feel到自己體能開始drop緊落去，於是就更加唔敢怠慢，加快腳步落山！ 欲速則不達，落山嘅呢段路每級都幾高，而且好多碎石，為免break唔切，所以每步都break住落，但係我竟然唔記得剪腳甲....落到一半就feel到腳趾痛，出返西灣亭超想除左對鞋佢~!!!
最後呢段，全段石屎路，一路用7分pacing jog返去，諗著無咩大問題，點知... feel到自己over heat，響CP2裝嘅水，大部份都係用黎洗面同濕身.... 直至到見到西灣路盡頭嘅回旋處，飲埋最後一啖水，一路飛奔去終點~!
最後用3:59完成，終點有成班 #追夢行動 院友響度，比賽最開心唔係有好成績，而係每個人都盡左力，然後笑笑說說食返餐~
