為著理念去實淺

上次去台灣旅行，因為朋友有訂房優惠，於是就住進紅點文旅，
裡面的Welcome Amenities 是「茶籽堂」金馬禮盒，包括錦葵茶苷洗髮露、青蜜茶苷沐浴露、青蜜茶油乳液，瓶身用熱壓印上花的圖案，好靚丫!!!
於是當晚就試一試佢

「茶籽堂」金馬禮盒

一開樽就已經被那種香氣吸引，超Relax，對髮質功效冇太大感覺，始終只用過幾次，但我確實俾呢種香氣深深吸引，於是返到香港就睇下可唔可以online買到，原來有茶籽堂網上購物城(http://shop.chatzutang.com/)~Yeah~
不過運費好貴....貨品都不太平，於是就打算下次去台灣再買，點知arm arm就推出左「剛好的生活優惠組合 」package有88折，嗯....計埋運費，同響台灣買差唔多姐，好，落單!

直接運返香港，同集運返香港價錢其實差唔多，今次因為加購物品只能三選一，於是，我分開左兩單，擇左集運。集運HKD$92，直運TWD$390(大約HKD$94)



 

等左四日，就已經由台灣運到香港，算快丫~

平時淘寶集運都冇咁快^^

我呢個窮家女擇左去集運點自取，要讚一讚樂郵集運 真心快~
確定集運後，只雖一日，就去到集運點，趕得切我lunch就去提貨，集運點乾淨整齊，
又準備好耐cutter、剪刀俾人開箱，空間又夠大，四、五個人一齊開都唔太逼~

終於開箱啦~箱裡面用好多air bag包好貨品，點撞都唔怕~

茶籽堂主打純天然，而且關心到台灣苦茶籽文化資產傳承的斷層，試圖以實際行動支持散布各處的苦茶園，保存珍貴的文化價值。茶籽堂以茶籽作為藝術核心，將茶籽文化的熱情擴展到台灣本土藝術與工藝的發揚，從產品的內涵到包裝設計，結合土地、人文、情感、藝術，融入現代生活與當代接軌，要傳遞的概念只是如此單純的台灣好，茶籽堂要承接世代的祝福，讓台灣文化很驕傲地站在世界的舞台。

台灣的企業，總會有一個動人的故事，為著理念而去實淺，有好多人都會話自己好有大志，好有理念，只係差一個機會......如果真係咁想做嘅，不如諗下自己去創造機會!

我記得我曾經好鍾意表演，適逢好戲量響西洋菜街做行為藝術，心裡面即刻諗「嗯，呢個都係一個方法wor」，於是就膽粗粗同幾個朋友響同一條街，開個喇叭仔，就做左手語歌嘅第一場街show~

夢想，係要追嫁，坐響度就諗著夢想會黎嘅，個d係夢，係發夢！
起來，追夢吧!

又開倉！！18/F Bazzar實報

嘩嘩嘩！又開倉！今年開倉未停過，可能係自遊行減少，帶動香港人出返黎消費，作為一個師奶仔，當然要襯底吸納！

今次嘅跑鞋唔算特別抵，但就有好多新款街鞋可以買得過，連adidas boost X都買$790

Brooks 

Huarache Kid 原價$699，特價$330

Brooks 鞋王C10, 原價$9xx, 特價$390

All star x Missoni 內踭con，原價$799，特價$190

Hoka One One

仲有Rebook內踭波鞋都係$90，旺中都買唔到啦！

但係想掃平野，係要付出嘅，一入門口，就見到座鞋山，感覺就好似響垃圾堆裡面尋寶，要花時間先會搵到arm心水又arm size嘅鞋，lunch time去的話，要諗清楚啦！

Age Group Triathlon - Science Park

一個炎熱嘅上午，天都未光，就出發去科學園嘅2016 分齡三項鐵人賽~

雖然我未有能力參加三鐵(仲未識游水law....)，但係成班fd都玩，就去影下相啦^^

三鐵對於我黎講，係比較陌生嘅項目，我嘅認識就係游水、單車同跑步law，
不過原來正式比賽上，有好多規則.....

三項鐵人比賽距離可分為小鐵人賽、半奧運距離、奧運距離、長途賽程、鐵人賽(Ironman)

距離	游泳	單車	跑步
小鐵人賽(Junior Triathlon)	100-400m	4-12km	0.8-4km
半奧運距離 (Sprint Distance)	750m	20km	5km
奧運距離 (Olympic Distance)	1500m	40km	10km
長途賽 (Long Course)	1.9km	90km	21km
鐵人賽 (Ironman)	3.8km	180km	42.195km
水陸兩項 (Aquathon)	水陸兩項由一個連續的，兩個或三個階段的比賽。參加者需先游泳，然後跑步；或者先跑步，然後游泳，最後再跑步，比賽距離沒有固定標準。
陸上兩項 (Duathlon)	陸上兩項參加者需先跑步，然後踏單車，最後再跑步，比賽距離沒有固定標準。

資料來源：香港三項鐵人總會http://www.triathlon.com.hk/ch/about-us/what-is-triathlon

比賽一般會由游泳開始，然後單車，最後跑步，不過點解要係呢個次序呢?有d人話，因為著wetsuit要好多時間，又有d人話身體熱左跳落水好易筋，唔知你地有冇咩睇法呢??好奇一問XD

參賽者會在水中起步

游過浮標，然後走上岸

跑至轉項區更換裝備

轉至單車部份，很多選手會響這個時候追上黎，單車項目除左體能同技巧外，有時都係睇燒左幾錢響單車上....

踩完幾圈，會落車跑回轉項區，放低單車，準備跑步



轉項區係選手嘅範圍，非比賽人士都不能內進，所以影唔到佢地換項嘅刺激氣氛....

跑步係最後一項，最後機會爭取名次，絕不能放鬆~!!!

今次嘅比賽，每個選手都會有完成牌，用亞加力膠做嘅，濕水都唔驚~
三鐵真係一場好緊張刺激嘅比賽，希望有天我會學識游水，有機會玩下啦....

小妹第二次影三鐵，單車速度太快，仲未掌握到對焦技巧，請各位選手多多見諒....
鍾意嘅就Like一Like，我會繼續努力練習啦^^
比賽相簿：
https://drive.google.com/open?id=0B3kQtw6hpbMdT0ZDenN5OU95dlU

比賽成績：
http://www.racetecresults.com/Results.aspx?CId=16387&RId=6066

~私房賽之大嶼山越野賽~

大嶼山越野賽

今日呢場比賽認真甘，早上氣溫大約32℃，對於平時嘅我，應該係跳左落水，又或者係留響屋企食雪糕。。。但係我今日竟然走去比賽。。。



「追夢行動」的參賽者

東涌户外康樂營>沙螺灣>大澳
地圖上明明係平路，不過原來都要上上落落，呢段路跑左2/3，已經開始想抽筋，食左幾粒鹽丸，又不斷伸展，都好似幫助不大，好彩灑左一場雨仔，我先稍為散到熱，去到CP1，好彩有Engery Drink飲，休息左一陣，Refill左1.5L水+500ml Engery Drink，感覺好返d，於是就繼續旅程

大澳>南涌村龍仔悟園>萬仗瀑>靈會山>姜山>觀音山>昂平
由大澳上去，係一條漫長上斜，斜到有d想扒上去，上左1K左右，就到左龍仔悟園，唔行都唔知原來個度有條九曲橋，感覺好似返左古代宮廷咁 ，原來背後都有段故，好似話係有個富翁興建，不過因為破產，所以冇人再打理，日久失修，於是就封左。。。

 





龍仔悟園 Photo from: 遊香港、賞風景、觀生態



萬仗瀑至昂平一段，上次玩TC36嘅時候行過，記得沿路都係冇樹蔭，而且係一條漫漫長路，再加上曬到皮膚都覺得痛，所以唔敢亂跑，上行落跑，總算過到靈會山，但係上姜山時，開始feel到散唔到熱，全身狂噴殺龍巴斯，咁先感覺好d，落山都有d力不從心，慢慢仲開始有d頭痛，見到地上嘅水氹，都忍唔著用黎洗面。。。

落到姜山，準備上觀音山之際，有一個大少少嘅樹陰，大家都停響個度望住個海，扶住棵樹，再睇睇隻錶，4小時08分，我心裡面即刻諗，以我現在狀態，最快都要多45分鐘先可以返到CP2，即係去到昂平都已經14:00，得返3小時仲要上鳳凰、大東，仲要落黃龍徑嘅大大石級，最佳狀態嘅我，都未必趕到。。。諗下諗下，頭又痛返，身體都同我投訴，行到上觀音山，就落左個重大嘅決定，決定退賽，呢生人玩嘅所有比賽，最多只係莫需有地被DQ，但從來都未試過自己放棄，因為我覺得就算再辛苦，只要不斷堅持，總會返到終點！今次嘅決定係難嘅，響心理同生理中間爭扎，心裡面好想完成，身體就叫我要去休息，但諗返轉頭，如果玩緊team賽，遇到體力不繼嘅隊員，都會叫佢quit，留得青山在，哪怕冇柴燒？唯有咁樣安慰自己。。。

 

落到車路，我終於敢飲埋水袋面嘅少少水，大家都坐響涼亭休息，呢個時候救星到，support拎住一枝枝冰凍嘅水上黎，呢枝簡直係救命水，於是我就努力上多2K車路

 

昂平路觀景台，夏天獨有的藍天白雲

呢一刻我先發現，原來我好耐都冇用一個郊遊mode行山，次次都係操山，工作，又或者係比賽。慢慢行嘅呢段路，我見到好多老朋友，針松、細葉榕、山稔。。。。我仲記得細個超鍾意拾松果，成日搞到成手蟻😂😂😂，仲有瓢蟲嘅手背遊走😊，玩下玩下就行到上昂平

大家都在昂平休息

到達昂平CP，原來好多人都一樣quit左，不過都有好多人繼續堅持，無幾耐，就收到CP3嘅消息，Jim已經去到伯公拗，Yeah~~Proud of you~~我地嘅距離有成座鳳凰山🙈，響CP2休息左好一段時間，跟大隊由昂平經東山法門行返落終點(黄龍坑徑郊遊場)

行到返去，羅仲Jim已經跳完落澗，浸左陣，拾好曬野，響終點等緊我🙈，點會咁快嫁。。。


終點~黃龍郊遊徑

總結整個比賽，要多謝Aster 響賽前講嘅一席話，先令我真真正正enjoy呢個比賽！之前嘅比賽都太想嬴，中間好多過程都忽略左，有時仲會唔夠冷靜，俾人chur爆自己，想嬴嘅intention係要有，不過都要評估自己嘅實際能力！意念嘅力量係大，但都要有行動去support，只要基礎打得夠好，成功，只係遲早嘅事😝好滿足！

再一次多謝院長Aster，同各位義工一早就到場安排，搞一個比賽絕對唔簡單，set路，物資、交通安排，行李寄存等等，每一樣鎖碎，但重要！仲要熱足一日。。。

辛苦義工們烈日當空下，曬足一日